Nýjar launatöflur 1. júní 2017
Þann 1. júní 2017 taka gildi nýjar launatöflur hjá 11 stéttarfélögum starfsmanna ríkisins.Hér er listi yfir þau stéttarfélög og númer á launatöflum.
Fjármálaráðuneytið hefur staðið fyrir kynningum á stofnanasamningum og á heimasíðunni http://stofnanasamningar.is/ eru frekari upplýsingar.Forsenda röðunar í nýja launaflokka eru stofnanasamningar.
Ekki á að breyta samningi og launaflokki starfsmanna fyrr en röðun samkvæmt stofnanasamningi liggur fyrir.
Fjársýslan hefur þegar sett inn nýjar launatöflur, en röðun starfsmanna í nýja launatöflu er í höndum yfirmanna í starfsmannamálum á hverri stofnun fyrir sig.
Þegar röðun liggur fyrir getur Fjársýslan aðstoðað við framkvæmd ef þess er óskað.
Excel-skjalið sem metur breytingar á kostnaði inni á http://stofnanasamningar.is/ er læst að hluta til fyrir innslætti.
- Taka þarf út Discoverer skýrsluna „Reiknilíkan_stofnanasamninga”
- Flytja upplýsingarnar úr skýrslunni í Excel
- Afrita upplýsingarnar úr Excel í flipann „Upplýsingar úr Discoverer” sem er í Excel-skjalinu „Reiknilíkan_stofnanasamninga”
- Þar erfast þær upplýsingar í flipann „innsláttur”.
- Ef ekki er tekin út Discoverer skýrsla þá er hægt að slá stofnupplýsingar inn í flipann
„Upplýsingar úr Discoverer”, en athugið að sú leið skapar oft meiri villuhættu.