Útgáfur

Innheimtugagnavinnsla lögaðila 2020

4.11.2020

Fjársýslan hefur undanfarið unnið að innheimtugagnavinnslu lögaðila í samvinnu við Skattinn. Innheimtu- og álagningarseðla er hægt að nálgast á www.island.is og á www.skattur.is. Greiðsluseðlar vegna álagningar hafa verið sendir til gjaldenda en eru einnig birtir á island.is og sendir til skeytamiðlunar fyrir þá lögaðila sem nýta sér þá þjónustu.

Heildarálagning á öll gjöld voru rúmir 184 milljarðar sem er lækkun frá árinu 2019 um 6 milljarða. Álagning tekjuskatts var 68,2 milljarðar, sérstakur skattur á fjármálafyrirtæki 10,9 milljarðar, tryggingagjald 101 milljarðar og útvarpsgjald 768 milljónir.

Lögaðilar voru búnir að greiða fyrirfram um 162,6 milljarða.

Gjalddagar eru 1. nóvember og 1. desember. Heildarfjárhæð á þessa þrjá gjalddaga eru rúmlega 55 milljarðar.

Föstudaginn 30. október voru greiddar út inneignir að upphæð 17,3 milljarða til tæplega 8 þúsund lögaðila. Inneignir upp á kr. 2,6 milljarða verða greiddar út síðar.