Útgáfur

Greiðslukvittanir frá sýslumönnum færast á vefinn island.is

19.1.2018

Fjársýsla ríkisins sendir nú allar greiðslukvittanir frá innheimtumönnum ríkissjóðs (tollstjóra og sýslumönnum utan Reykjavíkur) rafrænt í pósthólf gjaldanda á vefnum island.is. Því eru pappírskvittanir ekki sendar lengur í pósti.

Þetta gildir um færslur allra gjalda hvort sem um er að ræða innborgun á skuld, útborgun inneignar eða inneign sem er skuldajafnað.

Til að nálgast kvittanirnar er farið á slóðina https://minarsidur.island.is/. Þar þarf að skrá sig inn með rafrænum skilríkjum eða íslykli. Eftir innskráningu er smellt á “Pósthólf - er bréf til þín” en þar birtast kvittanirnar ásamt öðrum skjölum sem send hafa verið viðkomandi frá opinberum aðilum.