Útgáfur

Álagningarvinnsla einstaklinga 2021

28.5.2021

Álagningarvinnslu árið 2021 fyrir einstaklinga er lokið. Fjársýsla ríkisins hefur unnið að þessari álagningarvinnslu í samvinnu við Skattinn undanfarna mánuði. Álagningin birtist á vefgáttunum island.is og skattur.is þann 27. maí.

Inneignir verða greiddar út að upphæð 20,6 milljarða til rúmlega 157 þúsund einstaklinga.

Fjöldi einstaklinga á skattgrunnskrá er rúmlega 300 þúsund, bæði þeir einstaklingar sem telja fram og fengu áætlun. Samhliða álagningu höfum við bætt upplýsingaskil til launagreiðenda, sem eru rúmlega 14 þúsund og geta þeir nú sótt launagreiðendakröfur inn á island.is. Um 122 þúsund launagreiðendamerktir viðskiptavinir eru í skuld við innheimtumann eftir álagningarvinnsluna. Um 72% af þeim fá sendar kröfur rafrænt á launagreiðanda eða um 87 þúsund viðskiptavinir. Jafnframt verður gjaldendum sem ekki eru merktir launagreiðenda sendur greiðsluseðill í heimabanka sinn.

Nú geta gjaldendur skoðað stöðu sína við innheimtumann ríkissjóðs á island.is eins og hún er í dag.

Þegar komið er inn í pósthólfið á island.is skal velja Fjármál (til vinstri) og þá birtist staða þín í dag við Ríkissjóð. Staðan skipist niður á gjaldflokka. Hægt er velja ákveðinn gjaldflokk og þá birtist sundurliðun á honum. Einstaklingar geta nálgast greiðsluseðla fyrir þinggjöldum á island.is ef krafa er ekki send til launagreiðanda.

Í stillingum efst í hægra horni er hægt að breyta ýmsum upplýsingum er varða viðtakandann sjálfan svo sem bankaupplýsingum og netfangi. Á vefnum verða upplýsingar um þær stofnanir sem geta veitt frekari aðstoð, sé þess þörf.

Hnipp. Í stillingum er einnig hægt ákveða hvort viðtakandi fái Hnipp, þ.e. að tölvupóstur berist á skráð tölvupóstfang og láti vita þegar ný skjöl berast inn í pósthólfið á island.is.

Hér að neðan sjáum við dæmi um hvernig þjónustan gæti birst hjá viðtakanda. Ef smellt er á „þing- og sveitarsjóðsgjöld“ kemur nánari sundurliðun á viðkomandi gjaldflokki.

Stada_vid_rikissjod_og_stofnanir_2021