Útgáfur

Álagningarvinnsla einstaklinga 2019 og birting á Ísland.is

31.5.2019

Álagningarvinnslu árið 2019 fyrir einstaklinga er lokið. Fjársýsla ríkisins hefur unnið að þessari álagningarvinnslu í samvinnu við Ríkisskattstjóra undanfarna mánuði. Álagningin birtist á vefgáttunum island.is og skattur.is þann 30. maí.

Föstudaginn 31. maí, verða greiddar út inneignir að upphæð 17 milljarða til rúmlega 144 þúsund einstaklinga. Einstaklingum sem fá álagningarseðil sendan í pósti hefur fækkað á milli ára en það eru um 20 þúsund í ár á móti um 22 þúsund í fyrra.

Fjöldi einstaklinga á skattgrunnskrá er rúmlega 307 þúsund, bæði þeir einstaklingar sem telja fram og fengu áætlun. Samhliða álagningu höfum við bætt upplýsingaskil til launagreiðenda, sem eru rúmlega 12 þúsund og geta þeir nú sótt launagreiðendakröfur inn á island.is. Um 121 þúsund launagreiðendamerktir viðskiptavinir eru í skuld við innheimtumann eftir álagningarvinnsluna. Um 68% af þeim fá sendar kröfur rafrænt á launagreiðanda eða um 81 þúsund viðskiptavinir. Jafnframt verður gjaldendum sem ekki eru merktir launagreiðenda sendur greiðsluseðill í heimabanka sinn.

Starfsmenn Fjársýslunnar hafa unnið að nýjungum í samstarfi við Ísland.is sem birtast á vefnum. Nú geta viðtakendur skoðað stöðu sína við innheimtumann ríkissjóðs eins og hún er í dag. Gert er ráð fyrir að aðrar stofnanir ríkisins muni bætast við um miðjan júní.

Þegar komið er inn í pósthólfið á island.is skal velja innheimta (til vinstri) og þá birtist staða þín í dag við Ríkissjóð. Staðan skipist niður á gjaldflokka. Hægt er velja ákveðinn gjaldflokk og þá birtist sundurliðun á honum.

Í stillingum efst í hægra horni er hægt að breyta ýmsum upplýsingum er varða viðtakandann sjálfan svo sem bankaupplýsingum og netfangi. Á vefnum verða upplýsingar um þær stofnanir sem geta veitt frekari aðstoð, sé þess þörf.

Hér að neðan sjáum við dæmi um hvernig þjónustan gæti birst hjá viðtakanda. Ef smellt er á „þing- og sveitarsjóðsgjöld“ kemur nánari sundurliðun á viðkomandi gjaldflokki:

Skýringarmynd - staða þín í dag við RíkissjóðHér má breyta upplýsingum í stillingum:

IslandIS_stillingarmai2019