Fræðsla og verklagsreglur

Spurt og svarað

Almennar spurningar:

Hver svarar fyrir ríkissjóðsinnheimtur í heimabanka (greiðslutilkynningar) ?

Svar:  Mikið er um að einstaklingar og fyrirtæki sem og þjónustufulltrúar bankanna, hringi í Fjársýslu ríkisins, í leit að frekari greiðsluupplýsingum en Fjársýsla ríkisins er ekki með þær upplýsingar.

Við viljum vinsamlega benda á að það eru innheimtumenn ríkissjóðs, sýslumenn utan höfuðborgarsvæðis og  Tollstjóri sem innheimta skatta og gjöld fyrir ríkissjóð.  Einstaklingar og fyrirtæki sem leita frekari upplýsinga um greiðslustöðu og innheimtu skulda eiga því að leita til Tollstjóra og sýslumanna utan höfuðborgarsvæðis.

Tollstjóri, í síma 560-0300, svarar þeim sem búsettir eru á höfuðborgarsvæðinu, en sýslumenn svara þeim sem búsettir eru utan höfuðborgarsvæðis.


Embætti Kennitala

Sími

Tollstjóri 650269-7649

560 0300

Sýslumaðurinn á Vesturlandi
660914-1100

458-2300

Sýslumaðurinn á Vestfjörðum
411014-0100

458-2400

Sýslumaðurinn á Norðurlandi vestra
660914-0990

458-2500

Sýslumaðurinn á Norðurlandi eystra
680814-0820

458-2600

Sýslumaðurinn á Austurlandi
410914-0770

458-2700

Sýslumaðurinn á Suðurlandi
680814-0150

458-2800

Sýslumaðurinn í Vestmannaeyjum 490169-7339

458-2900

Sýslumaðurinn á Suðurnesjum 610576-0369

458-2200

Hvað er sektarboð í heimabankanum ?

Svar:  Innheimtumiðstöð sekta og sakarkostnaður hjá sýslumanninum á Norðurlandi vestra, sími 458-2500, svarar fyrirspurnum varðandi sáttarboð, lögreglustjórasektir og dómsektir.

Hver svarar fyrir barnabætur og vaxtabætur ?

Svar:  Ríkisskattstjóri ákvarðar barnabætur og vaxtabætur.  RSK sími 442-1000

  • Upplýsingar um  barnabætur og vaxtabætur má finna á rsk.is
  • Barnabætur og vaxtabætur eru greiddar út  eigi síðar en 1. febrúar, 1. maí, 1. júlí og 1. október.
  • Bætur eru lagðar inn á bankareikning gjaldanda ef upplýsingar eru fyrir hendi skv. skattframtali, ráðstöfunarskrá banka og sparisjóða eða launaskrá Fjársýslu ríkisins. Annars eru þær greiddar út hjá innheimtumönnum ríkissjóðs.
  • Innheimtumenn (Tollstjóri og sýslumenn utan höfuðborgarsvæðis)  veita upplýsingar um útborgun bóta og inn á hvaða reikning bæturnar voru greiddar. Ef bótum er ráðstafað upp í skuld við hið opinbera skal hafa samband við innheimtumenn, þ.e. Tollstjóra eða sýslumenn utan höfuðborgarsvæðis.
  • Ef bankareikningi hefur verið lokað  fer greiðslan á villu hjá bankanum og er síðan send til ríkisfjárhirslu og greidd aftur inn í Tekjubókhaldskerfi ríkisins til útborgunar hjá innheimtumönnum.
  • Ef greitt hefur verið inn á rangan reikning skal hafa samband við bankann sem breytir númeri bankareiknings í ráðstöfunarskrá bankanna.
  • Barnabætur má ekki taka upp í bankaskuld. Þá skal hafa samband við Tekjusvið Fjársýslu ríkisins.
  • Ef bótum er ráðstafað á móti  meðlagsskuld þá er unnt að  hafa samband við Innheimtustofnun  sveitarfélaga, sími 590-7100.

Hver svarar fyrir bifreiðagjald?

Svar: Ríkisskattstjóri leggur á  bifreiðagjald, en  Tollstjóri og sýslumenn utan höfuðborgarsvæðis veita nánari upplýsingar um greiðslustöðu, útborgun inneigna og innheimtu skulda.

  • Gjalddagi er 1. janúar og  eindagi 15. febrúar, eindagi er virkur dagur.
  • Gjalddagi er 1. júlí og eindagi 15. ágúst, eindagi er virkur dagur.

Ferðakostnaður  - akstursgjald og dagpeningar ?

Svar:  Auglýsing ferðakostnaðarnefndar um aksturs- og dagpeninga er á vefsíðu fjármála- og efnahagsráðuneytisins á slóð: http://www.fjarmalaraduneyti.is/ferdakostnadur/

Hverjar eru kennitölur ríkissjóðs ?

  • 540269-6459   Ríkissjóður Íslands
  • 681102-3020   Ríkissjóðsinnheimtur

Spurningar - launaþjónusta

Um starfsvottorð

Ef óskað er eftir starfsvottorði þarf að senda tölvupóst með "Starfsvottorð" í titli á netfangið mailto://laun@fjs.is. Upplýsingar um nafn, kennitölu og tímabil þurfa að koma fram og hvort um venjulegt starfsvottorð sé að ræða eða vottorð vegna atvinnuleysisbóta fyrir Vinnumálastofnun.

Inná hvaða reikning er orlofið mitt lagt ?

Flest stéttarfélög hafa gert vörslusamning við Arionbanka. Sími í þjónustuveri þeirra er 444-7000. Einstaka stéttarfélög hafa gert vörslusamninga við aðar innlánsstofnanir, upplýsingar um að er að finna á heimasíðum stéttarfélaga.

Spurningar - Orri

Gleymt lykilorð í Orra

Hér eru leiðbeiningar um hvernig þú býrð til nýtt aðgangsorð í Orra

Innskráning í Vinnustund, leiðbeiningar

  • Vinnustund innskráning fer fram í flýtivalshnappnum "Sjálfsafgreiðsla" sem er á forsíðu vefsins fyrir neðan myndina.

    Eða
    https://heima.orri.is/OA_HTML/AppsLogin

  • Þá birtist innskráningarmynd.
  • Viðkomandi skráir sig inn í Orra með sama notendanafni og aðgangsorði og notað var við að skrá sig beint inn í vinnustundina áður. Ef þarf að fá nýtt aðgangsorð þá eru leiðbeiningar um það í þessu  skjali .
  • Vinstra megin birtist  sjálfsafgreiðsla starfsmanna með  + merki fyrir framan
  • Smellt á + merkið við sjálfsafgreiðslu starfsmanna og þá opnast sá vallisti
  • í vallistanum birtast allar aðgerðir sjálfsþjónustunnar og ma.  Vinnustund. (e WorkHour)
  • Smellið á  Vinnustund og þá opnast vinnustundin.

    Internet explorer Undir Tools í valstikunni á IE vafranum skal velja Internet options og þar valið Privacy og þar er undantekningin orri.is sett inn til þess að Vinnustundin opnist.

    Firefox. Smellið á strikin þrjú efst hægra megin, smellið á Valkostir (e. Properties) Smellið á Innihald (e. Content) Smellið á Undanþágur (e. Exceptions) í kaflanum Sprettigluggar (e. Pop-ups). Sláið inn orri.is smellið á Leyfa (e. Allow) smellið síðan á Loka (e. Close).

    ChromeSmellið á strikin þrjú efst hægra megin, veljið Settings smellið þar á krækjuna Show Advanced Settings sem er neðst á síðunni
    Smellið á hnappinn Content Settings sem er undir Privacy
    Þar skal finna Pop-Ups og smella á Manage Exceptions
    í auða reitinn skal slá inn
    [*.]orri.is
    best væri að afrita línuna hér fyrir ofan og líma í þennann reit gætið bara að því að ekki slæðist með auka bil fyrir aftan eða framan.
    Síðan skal ýta á enter og síðan Done

    • Ath. ef vafrinn er með Pop-up blocker á þá birtist vinnstund ekki. Best er að hafa Pop-up blockerinn á en hafa slóðina orri.is sem undantekningu.

Stillingar á vöfrum við notkun kerfa FJS

Notendur í Orra þurfa að vera upplýstir um stillingar á vöfrum sínum þegar þeir nota kerfi FJS. 

Notendur sem nota Discoverer Viewer þurfa í Internet Explorer að vera með vafrann stilltan á Compatibility meðan í öðrum tilvikum þarf ekki og á ekki að vera með þessa stillingu á. Eins og þegar Vinnustund er notuð.

Þá er mikilvægt að hreinsa vafra til að þeir virki sem best.
Leiðbeiningar um hvernig það er gert má finna með því að smella hér.

Spurningar - Eignakerfið (FA)

Hvað er eignaskrá?

Í eignaskrá er haldið utan um upplýsingar um alla varanlega rekstrarfjármuni ríkisaðila, hvort heldur um er að ræða nýjar eða nýlegar eignir sem mynda eign- og afskriftafærslur eða eldri eignir sem eru enn í notkun. 

Samkvæmt lögum um opinber fjármál (áður lög um fjárreiður ríkisins) skal halda eignaskrá yfir alla varanlega rekstrarfjármuni. Skilgreining á varanlegum rekstrarfjármun er eign sem ætluð er til notkunar fleiri en eitt reikningsskilatímabil. Því ber að færa í eignaskrá allar eignir sem ætlaðar eru til notkunar lengur en eitt reikningsskilatímabil. Rétt vinnulag er að færa síðan eignir út úr eignaskrá þegar notkun lýkur við úreldingu eða sölu, eftir atvikum.  Eign sem er til staðar en notkun hætt má standa í eignaskrá þar til henni er ráðstafað með sölu eða öðrum hætti en hún ætti þá að vera afskrifuð í vænt söluverð. Frávik frá þessu verklagi ætti að upplýsa Ríkisendurskoðun um strax til að ekki komi til athugasemda af þeirra hálfu síðar.

Hvað er FA Eignakerfi?

FA Eignakerfi er sérstakur kerfishluti tengdur ORRA, undirkerfi aðalbókhalds, sem heldur utan um og veitir upplýsingar um alla varanlega rekstrarfjármuni ríkisaðila.

Við lok vinnudags eru keyrðar reglulega vinnslur í ORRA sem finna þær færslur sem bókaðar hafa verið í AP og eða GL á tegundarlykill 18xxx og flytja yfir í FA.  FA Eignakerfið reiknar og uppfærir afskriftir í GL einu sinni í mánuði.

Eru fjárhæðamörk eignfærslu fyrir hverja eign?

Reikningshaldsleg skilgreining á varanlegum rekstrarfjármun er eign sem keypt er til að nota í rekstri og ætluð er til notkunar á meira en einu reikningsskilatímabili. Kostnaðarverði hennar er þannig dreift til gjalda á tímabil notkunar í formi afskrifta. Engin fjárhæðarmörk eru skilgreind. Miða á við þær færslur sem fóru áður inn á 58 tegundalyklana. Kaupverð er kostnaðarverð.

Samkvæmt IPSAS og ársreikningalögum skal eignfæra og afskrifa alla varanlega rekstrarfjármuni og einnig er gerð krafa í lögum um opinber fjármál að ríkisaðilar haldi eignaskrá þar sem allir varanlegir rekstrarfjármunir eru færðir inn.  Eignaskrá í ORRA er ætlað að sinna báðum þessum kröfum.

Hvaða eignir koma til eignfærslu?

Allir varanlegir rekstrarfjármunir skv. skilgreiningu hér að ofan eiga að eignfærast. Kostnaðarverði þeirra er dreift á notkunartímann í formi afskrifta.

Við innleiðingu á IPSAS á sama við um liðinn tíma, þ.e. allar eignir sem ætlaðar voru til notkunar í lengri tíma en eitt reikningsskilatímabil eiga að eignfærast að teknu tilliti til afskrifta frá kaupdegi til innfærslu (31/12/2016) og gjaldfærast síðan með jöfnum fjárhæðum á eftirstöðvum notkunartíma.

Hvert er verð eigna við eignfærslu?

Verð varanlegra rekstrarfjármuna er kaupverð þeirra og tilfallandi kostnaður við að koma þeim í notkun.

Hvernig meðhöndlast eldri eignir?

Eignir í lok árs 2016 (sem voru gjaldfærðar við kaup) eru færðar inn í bókhald ríkisaðila sem eign á viðkomandi 18 tegundalyklum miðað við árslok 2016. Fjársýslan mun sjá um færslur tengdar þessu í samráði við stofnanir.

Byrjað var að færa afskriftir eigna úr Eignakerfinu í GL Fjárhagsbókhaldið á árinu 2017. Afskriftafærslur eru vegna allra eigna sem færðar hafa verið í eignaskrá.  Þessar færslur eru í dagbók sem heitir "Fyrning". Afskriftafærslur bókast vélrænt,  debet á 58 tegundalykla og kredit á viðkomandi 18 tegundalykla.

Ekki skal lengur skrá færslur í GL á 58 tegundir.  Fylgjast þarf með hvort einhverjar færslur hafi farið inn á 58-lykla og er það gert með því að  skoða hreyfingar á þá lykla aðrar en færslur frá FA Eignakerfinu (dagbók "Fyrning").

Eru til reglur um afskriftartíma?

Í FA Eignakerfinu hafa verið sett inn viðmið fyrir afskriftaprósentu allra eignaflokka, þ.e. notkunartíma sem tekur mið af afskriftaprósentu (20% afskrift = 5 ára notkunartími) og hrakvirði er sjálfgefið 0 kr. Stjórnendur hverrar stofnunar fyrir sig eiga að breyta frá þessum viðmiðum ef þeir áætla  lengri eða skemmri notkun og skrá hrakvirði ef áætlað hærra en 0, þ.e. áætlað söluvirði að notkun lokinni.

Upplýsingar um viðmið verða aðgengilegar á vef Fjársýslunnar, sem og leiðbeiningar hvernig hægt er að breyta þessum fyrirframgefnu forsendum.

Hrakvirði?

Hrakvirði (lokavirði) er sú fjárhæð sem ríkisaðili getur vænst að fá fyrir eign við lok nýtingartíma hennar að frádregnum væntanlegum ráðstöfunarkostnaði. Þessi fjárhæð er yfirleitt áætluð.

Við innfærslu eigna þarf að skrá hrakvirði og lok notkunartíma. Eignakerfið er sett upp með forsendu um hrakvirði 0 kr. og þurfa stjórnendur að leiðrétta það ef fyrir liggur að eign hafi verðmæti í lok ætlaðs notkunartíma, t.d. ef ekki á að nota eign nema hluta af líftíma hennar.

Stjórnendur stofnana eiga, eftir atvikum, að víkja frá innbyggðum viðmiðum í eignakerfinu og skrá áætlað hrakvirði og lok notkunartíma sem eru forsendur að afskriftum.  Mismun kostnaðarverðs og hrakvirðis er dreift til gjalda í formi afskrifta jafnt yfir notkunartíma eignar. Á hverju ári skal síðan endurmeta áætlaðan notkunartíma og hrakvirði og breyta ef þarf.  Það er á ábyrgð stjórnenda stofnana að áætla hrakvirði og notkunartíma og skrá inn ef frávik eru frá gefnum forsendum.

Viðhaldskostnaður vegna varanlegra rekstrarfjármuna, hvernig á að færa hann?

Viðgerðir ber að gjaldfæra, en í þeim tilfellum sem meiriháttar viðgerðir/viðhald eiga sér stað ber að eignfæra kostnað við það.  Meiriháttar viðgerð felur í sér að endingartími eða notkunarmöguleikar eignar hafa aukist eða breyst og þarf því að breyta notkunartíma í eignaskrá til samræmis svo afskriftafærslur í framhaldinu taka mið af því.

Eiga loftræstikerfi sem og aðrar innréttingar að eignfærast?

Loftræstikerfi sem og aðrar innréttingar í húsnæði flokkast sem varanlegir rekstrarfjármunir og eiga að færast í eignaskrá.   Í þeim tilvikum að um leiguhúsnæði er að ræða þá afskrifast viðkomandi fjármunur á eftirstöðvum leigutímans, sé viðkomandi fjármunur ekki færanlegur.

Eignfærsla og afskriftir hugbúnaðar?

Frá og með 1. janúar 2017 er kostnaður vegna óefnislegra réttinda eða þróunar hugbúnaðar eignfærður hjá ríkisaðilum.  Niðurfæra skal með kerfisbundnum hætti á áætluðum nýtingartíma viðkomandi eigna, þó ekki á lengri tíma en 20 árum.  Sé áætlaður nýtingartími lengri en fimm ár skal ríkisaðili gera grein fyrir því í skýringum í ársreikningi.

Verk í vinnslu?

Í þeim tilvikum að öflun eigna felur í sem margar færslur (t.d. bygging húsnæðis, viðhald eigna o.fl.) þá er gert ráð fyrir að farið sé með þær færslur í gegn um lið sem kallaður er „verk í vinnslu“. Þar er öllum reikningum safnað saman á þann lið og síðan þegar byggingu eða kaupum er lokið þá færist kostnaðarverð í einni tölu á viðkomandi eignalið í eignaskrá og það verk í vinnslu á þá að vera komið í 0.

Þennan lið má nota til að safna saman kostnaðarverði við öflun eigna þegar margar færslur liggja þar að baki til að fá eina fjárhæð (eða fleiri ef notkunartími er misjafn) í eignaskrá.